Suomi.fi-uuccâmsiijđo uđđâ sämikielâg palvâlususâttâh oovdânpuáhtoo Teamsist 22.9. tijme 13–14 taan liiŋkâ tyehin. Tilálâšvuođâst puáhtá koijâdâllâđ já finniđ lasetiäđuid palvâlususâttuvâst. Toos ij taarbâš almottâttâđ muuneeld.
Palvâlususâttâh čuággá oohtân tiäđuid virgeomâhái faallâm sämikielâg palvâlusâin. Tot lii kevttimnáál anarâškielân, nuorttâlâškielân, tavesämikielân já suomâkielân. Tiäđuid puáhtá raijiđ eereeb iärrás kielâ, kieldâ já palvâlus mield.
Palvâlususâttuv láá ovdedâm Sämitigge, Digi- já aalmugtiätutoimâttâh sehe Mii ovttas – Mij oovtâst – Mij õõutâst ‑virgeomâhâšviärmádâh. Tot valdui kiävtun vyesimáánust 2026.
Tiäđuh usâttâhân occojeh Palvâlustiätuvuárhást (PTV), mon paijeentuálá Digi- já aalmugtiätutoimâttâh. PTV lii vuáhádâh, moos ovdâmerkkân staatâ haldâttâhvirgeomâhááh, pyereestvaijeemkuávlui virgeomâhááh já kieldâi virgeomâhááh ferttejeh valdâliđ jieijâs palvâlusâid. Ton ulmen lii kepidiđ siämmái tiäđui paijeentoollâm sierâ vuáháduvâin. Meiddei ornijdumeh já irâttâsah uážžuh kevttiđ PTV.
Suomi.fi lii uuccâmsijđo, mii iššeed já räđđee aalmugjesânijd já irâttâsâid hoittáđ aašijd virgeomâháiguin já almolávt ávhálij ornijdumijguin.
Käldee: Sämitige tiäđáttâs
Kove: Čáittukove Suomi.fi anarâškielâlii palvâlususâttuvâst 12.9.; Kovekieđâvuššâm: Valtteri Valkeapolku