Arvemeecij čuoppâmeh Brasiliast kiäppánii tijmá čielgâsávt. Čuoppâmeh láá tääl ucemuu täsistis ive 2019 maŋa, muštâl mittedemornijdume MapBiomas, mii lii kárttám meecijd ive 2019 rääjist.
MapBiomas mield Brasilia monâttij algâalgâlijn mecijnis moonnâm ive 9 850 neljihâškilomeetterid. Taat lii 20,6 prosentid ucceeb ko oovdeb ive.
Amazon arvemeecij uásild čuoppâmeh kiäppánii 23,5 prosentáin. Liijká jyehi seekunt virâttuvvojeh vittâ muorâ arvemeecist, MapBiomas muštâl.
Keevâtlávt puoh algâalgâlii luándu tuššâdem suijân lii eennâmtuálu vijđedem.
MapBiomas muštoot, ete ton statistiikijn ij valduu huámášumán iŋádâhtuulâi tovâttem meccihiävvu. Taan hiävu uási lâi tijmá kuittâg ucce, ko vist ive 2024 iŋádâhtuulah lijjii eromâš vijđáseh.
Brasilia president Lula da Silva lii pajedâm meccihiävu orostittem politiikis njunošfáádái juávkun. Suu ääigi presidentin čuoppâmij kocceem já ráŋgáštâsah láá čavgejum.
Käldee:
− Brasilian sademetsien hakkuut hidastuivat selvästi viime vuonna (yle.fi)
Kove: Antonio Campoy (Wikimedia Commons)