Italia siärvá Suomâ Nato-juávhoid – naanood Euroop oohtân­kuullâm já Tave-enâmij torvolâš­vuođâ

Puhelinsuáitu ääigi roovvâdmáánu 22. peeivi Suomâ piäluštâsminister Antti Häkkänen (Kokoomus) já suu italialâš virgekyeimi Guido Crosetto nonnijn Italia servâm Nato nuuvt kočodum FLF‑ adai Forward Land Forces ‑eennâmvyeimijuávhoid Suomâst. Almottâs naanood lito taveradostuv já lii merhâšittee lasattâs lito paldattâsvuáimán já ohtâsii piäluštâsstrategian.

”Italia lii ohtâ njunošenâmijn Euroopist já Natost”, Häkkänen eeđâi já tiäduttij, ete Rooma lii jo ovdil uásálistám Suomâ FLF-juávhui sundáttâlmân. ”Tääl muu virgekyeimi Guido Crosetto lii nonnim Italia uásálistem: taat lii tehálâš lävkki maaŋgâaalmuglij juávhui oovdedmist.”

Suomâ FLF-juávhuh, moh algâtteh hárjuttâsâid vala taan ive peln, láá kuávdáš uási Nato ráávhu ääigi tooimâst. Maaŋgâaalmugliih juávhuh hárjutteleh oovtâst aalmuglij juávhuiguin. Já jis torvolâšvuotâtile tom váátá, te taid puáhtá jotelávt vijđediđ priikaat nanodâhân. Ulmen lii visásmittiđ jotelis já ubâlijd vástádâsnaavcâid lito taveradostuvâst. Ovdâsvástádâseennâm Ruotâ joođeet juávhui ovdedem oovtâst iššeedeennâm Suomáin, Natoin já eres littolijguin. FLF tooimâ váimusin lii ruátálâš pataljoon, moos littolij juávhuh ovtâstittojeh.

”Italia servâm Suomâ FLF-juávhoid lii positiivlâš sehe Tave-enâmij já transatlantlii torvolâšvuotân. Oovtâst Britanniain, Ranskain já Tave-enâmijguin mij nanosmittep paldattâsvyeimi Ruošâ vuástá Tave-Euroopist”, eeđâi Ruotâ piäluštâsminister Pål Jonson. Tanska, Taažâ, Island, Britannia já Ranska nannejii jieijâs uásálistem jo keessiv. Italia servâm mieldi šadda ohtâlâš já strategisávt kuávdáš eurooplâš vááimus.

”Mun lam ilolâš tast, ete Italia siärvá noonâ littolij juávkun”, Häkkänen lasettij. ”Tot lii ápálâš viestâ ovtâstum Euroopist, mii váldá ovdâsvástádâsâs Natost já eromâšávt ton tavekuávluin.” Italia uásálistem, mii sajaduvá Laapin, nanosmit lito piäluštâs tavveen já tuođâšt juohhum haalust ovdediđ taggaar mieldiorroom, mii lii uáinusist já pasta porgâđ ohtsâšpargo.

Vyerdimist lii, ete Nato FLF-juávhuh Suomâst ulâtteh priikaat nanodâhân adai suulân 5 000 suáldáttân. Juávhuh iä lah Suomâst pisovávt, peic littolâšenâmeh čonâdâđâččii reeseervjuávhui falâmân. Oovtâst eres tavekuoimijdiskuin, ovdâsvástádâseennâm Ruotáin já Euroop stuorrâ statâiguin Suomâ FLF-juávhuh láá eurooplâš-atlantlii torvolâšvuođâ tuuvdâriggee.

Käldeeh:

– Puolustusministeri Häkkänen: Italia osallistuu Naton eteentyönnettyjen maavoimajoukkojen toimintaan Suomessa (www.defmin.fi)

– Sweden welcomes Italy’s participation in NATO’s Forward Land Forces in Finland (www.government.se)

Kove: Nato

Kommenteh

Čääli komment

Čääli komment.
Čääli noomâd teehin.

Luuvâ meid

Uđđâsumos uđđâseh

Kappeer­pingviineh Zavo­dovski suol­lust láá kiäp­pán­min

Stuorrâ-Britannia aalmuglii Antarktis-tutkâmlágádâs BAS (eŋg. British Antarctic Survey) totkeeh láá tutkâm máddáápiäláá Atlant váldumeerâst leijee Zavodovski suolluu iivij 2011 já 2025. Brittiliih totkeeh muštâleh,...

Suomâ, Taažâ já Kanada räije­jeh ryeš­šilij valas­tellei viisu­mijd

Suomâ haldâttâs meridij tuorâstuv staatârääđi almosčuákkimist, ete tot čavgee viisumij mieđettem ryeššiláid valastelleid. Suomâ olgominister Elina Valtosii (kok.) mield Ruoššâ kiävttá valastâllâm propaganda koskâuámmin. –...

Anarâškielâ servi almostit kyehti párnái­kirje skammâ­máánust

Anarâškielâ servi lii juátkám párnái- já nuorâikirjij almostittem. Tot almostit kyehti kirje 40‑ive juhlij ohtâvuođâst. Mainâsij ihe – Ijâttes ijjâ Vuosmuš tääl almostuvvee kirje lii párnái...

Kollekielâ-palhâ­šume mieđet­tui emeritus­professor Nils Øivind Helan­derân

Taankiärdásâš Kollekielâ-palhâšume lii mieđettum emeritusprofessor Nils Øivind Helanderân. Palhâšume mieđettui sunjin kuhes já maaŋgâpiäláág eellimpargoost sämikielâi oovdedmist. Palhâšume keigejui sunjin Helsigist skammâmáánu 11. peeivi....

Suomâ šoŋŋâ­dâh lii lieg­gân­min torvo­lii rääji paijeel

Taan ive keesi lâi vaigâd Euroopân. Koskâ- já Maadâ-Euroopist lijjii korrâ pakkâpajeh, juuvah kuškii já sehe elleeh já ulmuuh killájii. Pakkâseh maksii Euroopân joba...