Vuáládâhenâmij purrâmušverkki- já kulâttemtävirij kocceemvirgeomâhâš váruttij kulâtteijeid
Haribo Happy Cola F!ZZ -kolaputtâlnjálgái purâmist šoddâm tiervâsvuotâčuolmâin. Koččâmuš lii kiiluseehâin vuobdum njálgáin, moi pyeremus ovdil -peivi lâi merkkejum uđđivemáánun 2026.
Motomeh párnááh láá karttâm pyecceiviäsun njálgái puurrâm keežild. Sij láá lamaš siämmáá perruu párnááh. Meid ubâ peerâ lii illávaješkuáttám njálgái puurrâm maŋa. Peerâ lii tieđettâm njálgái puurrâm maŋa sattum tiervâsvuotâpaartijn poolisân. Njälgispuovtâdeijee Haribo lii jo ovdil váruttâm Happy Cola F!ZZ -kolaputtâlnjálgáin šoddâm tiervâsvuotâčuolmâin. Purrâmušverkki- já kulâttemtävirij kocceemvirgeomâhâš lii tutkâm ääši já kavnâm kolaputtâlnjálgáin kannabis. Njälgispuovtâdeijee lii kiässám kolaputtâlnjálgáid maassâd markkânijn.
Njälgispuovtâdeijee Haribo iätá, et ulguubel totkeeh láá tutkâm njálgái puovtâdemproosees, ige kannabis lah vuottum tobbeen ollágin. Kannabis lii kavnum oovtâ seehâst eennâm uárjáábeln, já taan kavnâm maŋa ubâ särji lii kessum olgos vyebdimist.
Tot, moin naalijn narkotiikaamnâs lii šoddâm njälgisseehâ siisâ, ij lah vala čielgâs. Poolis lii tutkâmin ääši.
Käldeeh:
– Haribo: cannabis niet door ons in colasnoepjes terechtgekomen (nos.nl)
– Kind lag korte tijd in coma na eten Haribo-snoepjes met cannabis (nos.nl)
– Belangrijke gezondheidswaarschuwing HARIBO Happy Cola F!ZZ (1000 gram) (www.nvwa.nl)
Kove: Herbert Aust (Pixabay)