Brittilâš muusikjuávkku Oasis lii almottâm uđđâ konsertijn, moh uárnejuvvojeh puáttee ive syeini- já porgemáánust Stuorrâ-Britanniast já Irlandist. Konserteh láá ohtsis 14, main kyehtinubáloh Stuorrâ-Britanniast já kyehti Irlandist. Tai konsertij maŋa juávkku čuojâttiš meid eres soojijn Euroopist.
Oasis ij lah lávdástâm ive 2009 maŋa. Talle muusikjuávkku pieđgânij riijdo tiet, mii šoodâi viljâžij Liam já Noel Gallagher kooskâst.
Tast ij lah tiätu, kiäh čuojâtteh juávhust Gallagher viljâžij lasseen uđđâ konsertijn. Veikkâ Oasis máccá lyeve oolâ, te sij iä kuittâg ááigu rähtiđ uđđâ muusik.
Oasis vuáhádui ive 1991. Vuossâmuu skiärus muusikjuávkku almostitij ive 1994. Puáttee ive láá kuullâm 30 ihheed tast, ko Oasis enâmustáá vuobdum skiärru (What’s the Story) Morning Glory? almostui.
Käldeeh:
– Brittibändi Oasis tekee paluun (yle.fi)
– Oasis reunion confirmed for UK and Ireland tour in 2025 (www.theguardian.com)
Kove: Will Fresch (Wikimedia Commons)