Lohkat! Luemme! -seminaar, mon teeman lii sämikielâg nuorâi já párnáikirjálâšvuotâ, uárnejuvvoo 20.9.2024 tijme 10.00–16.00 Pohjoismainen kulttuuripiste kirjeráájust čujottâsâst Kaisaniemenkatu 9 Helsigist.
Ohjelmist láá mielâkiddiivááh sahâvuáruh já paaneelsavâstâllâm. Seminaar lii uáivildum puohháid, kiäh pargeh teikâ láá kiddiistum sämikielâg nuorâi já párnáikirjálâšvuođâ syergist. Vaanhimeh-uv láá tiervâpuáttám.
Seminaar lii iänááš suomâkielân, mut uásild meiddei ruotâ- já sämikielân. Tom puáhtá čuávvuđ káidusin taan liiŋkâ peht. Ton lasseen seminaar päddejuvvoo, já paddiimijd puáhtá keččâđ maŋeláá.
Jis haalijd uásálistiđ seminaarân pääihi alne, te toos ferttee almottâttâđ taan liiŋkâ peht majemustáá čohčâmáánu 16. peeivi. Káidusin uásálisteeh iä taarbâš almottâttâđ seminaarân.
Tábáhtus uárnee IBBY Finland ohtsâšpargoost Pohjoismainen kulttuuripistein, Suomen tietokirjailijat ry:in, Taiđuu ovdedemkuávdáin (Taike) já Kirjastokaistain.
Käldee:
– Lohkat! Luemme! Saamenkielinen lasten- ja nuortenkirjallisuus -seminaari 20.9. (ibbyfinland.fi)
Kove: Fabrizio Brecciaroli