Muusikjuávkku Queen vuábdá puoh pitáidis skiärrufinnodâh Sony Musicân. Pitái lasseen Sony uástá meiddei jieškote-uvlágánijd vuoigâdvuođâid. Hadde lii ohtsis miljard pudded ađai suullân 1,2 miljard eurod.
Taat meerhâš tom, ete Sony oomâst tääl Queen-muusikjuávhu noomâ já brändi. Sony puáhtá ovdâmerkkân kevttiđ Queen muusik máinusijn.
Sony uástim vuoigâdvuođáid iä kuulâ live-konserteh, tastko muusikjuávhu kitarist Brian May já rumbal Roger Taylor konsertistev vala Queen noomáin.
Sony lâi ovdil uástám eres-uv musikkárij vuoigâdvuođâid. Ive 2021 tot oostij vuoigâdvuođâid Bruce Springsteen muusikân 500 miljovn dollar hoddijn, já čuávuváá ive tot oostij vuoigâdvuođâid Bob Dylan muusikân 300 miljovnáin dollaráin. Ton lasseen taan ive kuovâmáánust Sony irâttij uástiđ vuoigâdvuođâid Michael Jackson muusikân já faalâi-uv tain 600 miljovn dollarid, mutâ vuoigâdvuođâi haldâšeijeeh iä miettâm toos.
Käldeeh:
– Queen myy kaikki kappaleensa Sonylle historiallisen suurella summalla (yle.fi)
– Queen myy kaikki kappaleensa Sonylle historiallisen suurella summalla (www.rollingstone.com)
Kove: Koh Hasebe (Wikimedia Commons)