Kyelijäävri kuáivuttâh ulmen lii tutkâđ ryevdipaje áigásii aassâmsaje. Laapi eennâmkoddemuseo kaavnâi máhđulii aassâmsaje jo ive 2020, mutâ eidusiih tutkâmušah láá esken álgám. Laapi eennâmkoddemuseo já Oulu ollâopâttuv arkeologiauáppeeh västideh kuáivuttuvâst.
Kuáivuttâh lii Pyhäjärvi maadâviestârkuávlust. Tobbeen lii kavnum aainâs-uv ohtâ ryevdipaje áigásâš puáldimhävdi. Máhđulii aassâmsaje já puáldimhäävdi kuávlust láá kavnum eres-uv meerhah ryevdipaje áigásijn tooimâin.
Ive 2016 Pyhäjärvist kavnui ryevdipaje áigásâš hävdi. Porgemáánu 14.–18. peeivi 2023 totkeeh ellii uđđâsist Pyhäjärvist tutkâmin siämmáá saje. Lasetutkâmušâi ulmen lâi selvâttiđ häävdi ráhtus sehe miäruštâllâđ ääigi, kuás hävdi huksejui. Häävdi ahe miäruštâllui luándutieđâlij vuovijguin. Moonnâm ive roovvâdmáánust tutkui meiddei máhđulâš aassâmsaje Laapi eennâmkoddemuseo ”Nuorttâ-Lappi viikiŋgääigist 1500-lohon” -haavâ ohtâvuođâst.
Taan kesimáánu tutkâmušah juátkojeh Laapi eennâmkoddemuseo ive 2023 kuáivuttuvâin.
Käldeeh:
– Arkeologinen kaivaus käynnissä Sallan Pyhäjärvellä – keskittyy tutkimaan mahdollista rautakautista asuinpaikkaa (yle.fi)
– Arkeologisia kaivauksia Sallassa elokuussa (www.epressi.com)
Kove: Arto häkkilä (Wikimedia Commons)