Ohtsis 24 saimaanuárjud láá jo jáámmám Saimaast taan ive, main 17 lijjii čiivgah. Nuárjučiivgah láá jáámmám vuágustis. Kyehti nuárju jammii kyelipivdusij tiet.
Meccihaldâttâs luándusuojâlem sierânâsäššitobdee Miina Auttila mielâst 24 jáámmám saimaanuárjud lii ennuv näävt algâive. Auttila muštâl, ete: ”Táválávt tiäđuh täälvi ääigi jáámmám nuárjuin puátih esken jonsahpeeivi suulâin, ko čääsih lieggâneh já rááđuh pajaneh čäsuáiván.” Sun arvâl, ete nuárjučiivgah jäämih taan ive viehâ ennuv, já jáámmám saimaanuárjuh kávnojeh vala loppâive-uv.
Moonnâm ive kávnojii 27 jáámmám saimaanuárjud, mii lii tuše kulmâ eenâb ko tääl. Jáámmám nuárjui tuođâlâš meeri lii kuittâg masa kuulmâkiärdásâš.
Suijân saimaanuárjui ollâ jamâlâšvuotân láá hiäjus pessimtileh. Nuárjuh tarbâšeh muottuu já jieŋâ, tastko toi vuáguh láá koivum muotâčerguid. Vuáguin káttu kačča nuárjučivgâi oolâ pivvâlis täälvi já arvešooŋâi tiet, já tondiet stuárráámus uási jáámmám nuárjuin láá lamaš čiivgah.
Käldee:
– Saimaalta on löydetty tänä vuonna jo 24 kuollutta saimaannorppaa (yle.fi)
Kove: Linda Lötjönen (Wikimedia Commons)