Uvjâ lii säämi psykososiaallâš torjuu ohtâdâh, mii fáálá sämikulttuur miäldásijd mielâtiervâsvuotâpalvâlusâid sämikielân. Ravvim-, toorjâ- já kriisâpargopalvâlusah láá älkkeht finnimnáál jieijâs eenikielân. Uuvjân puáhtá väldiđ ohtâvuođâ tave-, anarâš-, nuorttâlâš- teikâ suomâkielân. Uvjâ fáálá toorjâsavâstâlmijd anonyymin. Tot fáálá meiddei vuáđutääsi mielâtiervâsvuođâtipšo. Áámmátulmui várás fálloo konsultaatioiše sämikulttuurist já pargoparâporgâm. Palvâlus lii aalmuglâš palvâlus já nuuvtá äššigâsân.
Uvjâ vuáđudui kiđđuv 2022 tuárjuđ Suomâ staatâ tuotâvuotâ- já sovâdâttâmkomissio pargo. Palvâlus kulá Laapi pyereestvaijeemkuávlun mielâtiervâsvuođâ já uáivádâspalvâlusâi vuálá. Ohtâvuođâväldimeh iä taarbâš lohtuđ tuotâvuotâ- já sovâdâttâmkomissio paargon. Ohtâvuođâ pyehtih väldiđ puohah, kiäh tarbâšeh sämikulttuur huámmášumán väldee psykososiaallâš torjuu já tipšo sämikielân tâi suomâkielân. Pargeeh iberdeh sämikulttuur já siärváduv jiešvuođâid, ijge äššigâs taarbâš kevttiđ navcâidis áámmátulmui máttátmân sämmilij já Säämi elimist. Fáádáh pyehtih leđe ovdâmerkkân huolâ jieijâs vaajoost, huolâ skipárist teikkâ aldaulmust, lusis jurduuh, tobdo ete halijdičij savâstâllâđ áámmátulmuin já nuuvt ain. Uvjâ fáálá meid áámmátulmuid konsultaatio já torjuu porgâđ sämiulmuigijn tâi -perruigijn.
Maht Uuvjân uážžu ohtâvuođâ? Uuvjâst lii aalmuglâš puhelinpalvâlus, 040 – 6638882, moos Uvjâ västid argâpeeivij 8.00–16.00. Ton lasseen juáhhást lii persovnlâš nummeer, moos puáhtá suáittiđ. Pargeeh pargeh miätá Suomâ, já sii puáhtá teivâdiđ ovdâmerkkân jieškote-uvlágánijn tábáhtusâin. Pargeid puáhtá povdiđ jieškote-uvlágánáid tábáhtussáid já teivâdmáid. Pargei tärhibeh ohtâvuođâtiäđuh kávnojeh Uuvjâ nettisiijđoin.
Henna Lehtola
Koveh: Uvjâ