Suomâ já Eestieennâm koskâsii Balticconnector-kaasupoccest kavnui avedem pasepeeivi vuástásii iijâ. Virgeomâhááh oskoh, et poccee lii vahadum ulguupiälásii tooimâst.
Uáiviminister Petteri Orpo muštâlij majebaargâ ovdâskoddeest, et avedemsaje lii Suomâ ekonomiakuávlust. Majebaargâ virgeomâhááh muštâlii, et meiddei meerâ alne lii huámášum, et Suomâ já Eestieennâm kooskâst jottee tiätujotolâhkaabel lii vahadum. Ton vahadum saje vist lii Orpo mield viehâ vissásávt Eestieennâm kuávlučaasijn.
Avedemsaajeest lii eidu tääl monâmin teknisâš tutkâm. Kuávdášrikospoolis KRP mield kaasupoccee vahadume ij lah puáhtám šoddâđ vahâgist. KRP totká vahadume viärráás tuššâdempargon. President Sauli Niinistö iätá Ylen, et Nato lii vaalmâš išediđ táárbu mield.
Käldee:
– Tämä Suomenlahden kaasuputkivuodosta tiedetään – asia tullaan nostamaan esille Nato-kokouksessa keskiviikkona (yle.fi)
Kove: OpenStreetMap® já Fabrizio Brecciaroli