AKS ihečuákkim tuálloo koskoho 22.3. tme 18

Anarâškielâ seervi ihečuákkim tuálloo njuhčâmáánu 22. peeivi 2023 tme 18.00 Sajosist, Anarist. Čuákkimist servi addel čuákánkiäsu stiivrâ miärádâsâin já seervi tábáhtusâin ive 2022. Servi muštâl moonnâm ive ruttâtiileest, kuástidemtooimâst, lostâtooimâst já stipendij jyehimist sehe tast, moin naalijn servi lii ovdedâm anarâškielâ luuhâm- já čäällimkulttuur já magarijd tábáhtusâid tot lii ornim. Čuákkimist kieđâvuššojeh meiddei toimâvuávám ihán 2023 sehe njuolgâdusmiäráliih ääših.

Taan ive fáárust lii meiddei Peerâ Hotels & Cottages toimâttâshovdâ Hilla-Rina Palokari. Peerâ Hotels & Cottages lii toimâm seervi sponsorin ive 2021 rääjist. Ulmen lii sárnuđ tast, maht ohtsâšpargo puáhtá ovdediđ já vijđediđ puátteevuođâst. Ton lasseen toimâttâshovdâ keigee siärván ive 2022 sponsoristemruuđâid, moh láá ohtsis 2 128 eurod.

Ihečuákkim ohtâvuođâst uárnejuvvojeh kirjemarkkâneh. Toh fäälih šiev máhđulâšvuođâ uástiđ seervi kuástidem kiirjijd – sehe puáris já uđđâ kiirjijd. Seervi lii kiävtust mäksimpiergâs nuuvt ete kiirjijd puáhtá mäksiđ korttáin-uv.

Ihečuákkimân lii máhđulâš uásálistiđ meiddei káidusin. Liŋkkâ almottittoo Facebook orroomviistán muáddi tiijme ovdil čuákkim.

Tiervâpuáttim fáárun ive 2023 ihečuákkimân!

Kove: Fabrizio Brecciaroli

Kommenteh

Čääli komment

Kirjoita kommenttisi!
Kirjoita nimesi tähän

Luuvâ meid

Uđđâsumos uđđâseh

Hundârušmeh purrâmušveerhij pyehtimist Suomân

Uuđâs, et Lidl ij innig pyevti heđâlmijd já ruonnâsijd kirdemrahtin lii sehe pyeri já hyenes äšši. Lii pyeri, ete purrâmušveerhij CO2-luástuh kiäppáneh, mutâ hyenes...

Uđđâ kirječällee anarâškielân

Saijoos šiljoost skirviittâleh ulmuuh kirkis piäiváduvvâst. Lii koskokko, cuáŋuimáánu 3. peivi, já Aanaar keessilis kirjerááju siste kullojeh ilolâš povvâstem, uccâumogáá iloliih jienah já olmoošjuávhu...

Áimutiettuu lágádâs: Suomâ puttásumos áimu kávnoo-uv Pallasist

Sveiccilâš IQAir-irâttâs raapoort tieđettij moonnâm ohhoost, et maailm puttásumos áimu kavnuuččij Suáđigilist, Ucjuuvâst já Kuáccámist. Tast muštâlii eres lasseen Helsingin Sanomat sehe meid Anarâš...

Kanada áigu faallâđ nuuvtá estim nisonáid

Kanada haldâttâs áigu faallâđ nuuvtá äpittesvuođâ estim eennâm puoh suhâjuátkimahasáid nisonáid. Ääšist muštâlij Kanada išeuáiviminister Chrystia Freeland. Estimpillerij hadde lii Kanadast suullân 205 eurod ivveest....

Aleksi Virolainen lii vuosmuš syemmilâš, kote lii vuáittám maailm tehálumos Counter-Strike 2 -turnam

Syemmilâš Aleksi "Aleksib" Virolaisii juávkku Natus Vincere vuoitij Counter-Strike 2 -speelâ Major-turnaamist Kööbenhamânist maŋŋeed pasepeeivi ehidist njuhčâmáánu 31. peeivi. Major lii speelâ tehálumos já...