Onne Suomâ pyeremuuh čyeigeeh kištottâllii SM-čuoigâmkištoin, moh taan ive uárnejuvvojeh 31.3.–2.4. Juvduuvääri čuoigâmkuávdáást Anarist. Onnáá ohjelmist lijjii nisonij 5 km čuoigâmkišto tme 10.45 já almai 10 km čuoigâmkišto tme 12.45.
Nisonij kištoost lijjii fáárust ohtsis 76 čyeiged, mut loopâ räi pessii 74 čyeiged. Ton lasseen 5 čyeigee lijjii almottâttâm kiišton, mut sij kiäsádâttii ovdil ko kišto aalgij. Kerttu Niskanen vuoitij kišto aigijn 13:30.0. Johanna Matintalo vuoitij silbâmiitaal aigijn 13:43.2, já Krista Pärmäkoski vuotij pronssimiitaal aigijn 13:54.8.
Almai kiišton lijjii almottâttâm ohtsis 143 čyeiged, mut 7 čyeiged kiäsádâttii ovdil vuolguu já 4 cyeigee luovâttii kišto ääigi. Ađai loopâ räi pessii ohtsis 132 čyeiged. Iivo Niskanen šoodâi Suomâ miäštárin, ko sun vuoitij kišto aigijn 23:57.1. Perttu Hyvärinen vuoitij silbâmiitaal aigijn 24:43.6, já Niko Anttola poođij kuálmádin aigijn 25:11.0.
Käldeeh:
– Naiset 5 km (P) (www.smhiihdot.com)
– Miehet 10 km (P) (www.smhiihdot.com)
Kove: Fabrizio Brecciaroli