Onne lii pajeuáppeeiskosij majemuš peivi. Toh noheh sämikielâ eenikielâ já kirjálâšvuođâ iskosân.
Pajeuáppeeiskoslävdikode čällee Elina Jäntti muštâl Anarâš aavisân, et anarâškielâst iä lah taan ive ollágin eenikielâ čälleeh. Siämmáš tile lii meid nuorttâlâškielâst. Pajekielâ eenikielân čäälih taan kiiđâ viiđâs.
Viereskielâ iskoseh lijjii njuhčâmáánu 16. peeivi. Elina Jäntti muštâl, et anarâškielâ uánihis oppâmere čallii ohtsis kuulmâs, nuorttâlâškielâ čälleeh lijjii tuše ohtâ já tavesämikielâ čälleeh lijjii käävcis.
Elina Jäntti muštâl, et puátuseh vuolgâttuvvojeh škovláid njuhčâmáánu 16. peeivi.
Kove: F1 Digitals (Pixabay)