Vuáđusyemmilij oovdiš saavâjođetteijee Timo Soini kuorâttâl pooliitlii karrieeris juátkim Suomâ Kuávdášpiäláduvâst. Sun smiättá, áiguččij-uv sun iävtukkâssân ive 2027 ovdâskoddevaaljâin. Ääšist muštâl Turun Sanomat.
Soini mield Suomâ Kuávdášpiäláduvâst lii máhđulâšvuotâ šoddâđ oppeet stuorrâ piäládâhhân já joba uáiviministerpiäládâhhân.
– Suomâ Kuávdášpiäládâh taarbâš tääl pargoalmaa, kote sárnuttâl aalmug sii jieijâs kielân. Kiännii, kote puáhtá pyehtiđ vittâ prooseent lase kyeditmân, Soini iätá.
Puáris piäláduvásis Soini lii jieijâs mielâst liijkás kuávdoo. Suomâ Ristâlâšdemokraatehkin iä kiäsut suu.
– Mun kolgâččim jođettiđ tom piäláduv, nuuvt et ij heivii. Kalga leđe jo-uv stuorrâ kyeli uccâ laddust teikâ talle uccâ kuálááš stuorrâ láádust. Tääl mun valjiim majemuu muulsâiävtu, Soini iätá.
Timo Soini algâttij pooliitlii karrieeris Suomâ eennâmkuávlu piäláduvâst (Suomen Maaseudun Puolue). Sun lâi fáárust vuáđđudmin Vuáđusyemmilijd ive 1995 já tooimâi piäláduv saavâjođetteijen iivij 1997–2017. Soini lii lamaš aalmugovdâsteijen, ministerin já Euroop parlament jesânin. Sun vuolgij piäiválii politiikist ive 2021.
Käldee:
– Turun Sanomat: Timo Soini miettii paluuta politiikkaan keskustan ehdokkaana (yle.fi)
Kove: The Official CTBTO Photostream (Wikimedia Commons)