Zimbabwe president Emmerson Mnangagwa lii tuhhiittâm lahânubástus jäämmimráŋgáštâs kieldimist. Nubástusân lâi parlament toorjâ. Uđđâ laavâ mield jäämmimráŋgáštâs lii kieldum Zimbabwest, mut ton macâttem riehtivuáhádâhân lii máhđulâš etitile keežild.
Zimbabwest ohtâgin jäämmimráŋgáštâs ij lah olášuttum masa kyevtlov ihán. Talle ko uđđâ laahâ poođij vuáimán, suullân 60 olmožid lijjii tyemmejum jämimân.
Tááláá ääigi 24 Afrik enâmist jäämmimráŋgáštâs lii kieldum ollásávt. Nelji tain − Tšad, Koskâ-Afrik täsiväldi, Sierra Leone já Sambia – láá kiäldám tom majemui iivij, ađai ive 2020 tâi ton maŋa. Ubâ maailmist 113 enâmist jäämmimráŋgáštâs lii kieldum ollásávt.
Käldeeh:
– Zimbabwe luopuu kuolemanrangaistuksesta (yle.fi)
– Zimbabwe: Historic moment as President signs into law a bill to abolish death penalty for ordinary circumstances (www.amnesty.org)
Kove: Aerra Carnicom (Wikimedia Commons)