Kesimáánu 17. peeivi ovdâskodde algâttij sämitiggelahâiävtuttâs nube kieđâvuššâm. Kieđâvušmist tohhui iävtuttâs lahâiävtuttâs hilgomist, já tondiet kieđâvuššâm juátkoo kesimáánu 19. peeivi tievâsčuákkimist, mii álgá tijme 10.
Lahâiävtuttâs hilgom iävtuttij aalmugovdâsteijee Hannu Hoskonen (Kuávdáš). Hilgom kyedittij aalmugovdâsteijee Petri Honkonen (Kuávdáš).
Ovdâskodde meridij koskoho kesimáánu 11. peeivi sämitiggelaavâ siskáldâsâst lahâiävtuttâs vuossâmuu kieđâvušmist. Talle tuhhiittui haldâttâs oovdânpyehtimist HE 100/2023 vp leijee 1. já 2. lahâiävtuttâs siskáldâs vuáđulahâváljukode smiettâmuš mield.
Lasetiäđuid adeleh táárbu mield saavâjođetteijee Pirita Näkkäläjärvi, I värisaavâjođetteijee
Leo Aikio sehe II värisaavâjođetteijee já saavâjođetteijee sajasâš Tuomas Aslak Juuso.
Käldee:
– Sämitiggelaavâ kieđâvuššâm juátkoo ovdâskoddeest tuorâstuv 19.6. (samediggi.fi)
Kove: Lehtikuva / Mikko Stig