Nelji viiđâ uccâloddáást värrejeh iho. Taat čiälgá maailmvijđosii tutkâmušâst, mii tohhui neelji eennâmuásist. Tutkâmušâst lijjii fáárust 56 uccâ já koskâmatsâžžâd loddešlaaijâd.
Tutkâmušâst koskâmiärálávt 82 prosentid luudij varrimliihâdmist tábáhtui iho. Iänááš tutkum loddešlaajah lijjii pessim- já tälviääigi aktiivliih peiviv, nuuvt ete toi varrimkirdem iho oro uáli olâttitten.
Totkeeh pieijii ohtsis 411 loodán smavvâ čuávvumpiergâsijd, moh čuovvuu luudij aktiivlâšvuođâ sehe áimutedduu já čuovâ mere. Varrimmääđhi maŋa lodeh pivdojii já vyerkkejum tiäđuh analysistojii.
Lodeh ávhástâllii sevŋis pirrâmpeiviaigijn kirdemáin varrimmäđhistis ehidâsveeigi rääjist kidâ iđedâsveeigi räi.
Tutkâmuš kuáská iänááš tagaráid uccâloddáid, moh láá päikkisajeoskoliih já maid tienuuvt puáhtá fattiđ kiddâ uđđâsist. Tagarijn loddečeerdâin, moid kuleh ij-päikkisajeoskoliih šlaajah, kuittâg piäippáneh värrejeh iänáážin čuovâdis ääigi. Spálváin vist lâi ovdil jurdâččum, ete toh varriiččii peiviv, mut tutkâmuš lii čáittám, ete kuálmádâsuási syeri- já táválijn spálváin värrejeh-uv iho.
Käldee:
− Tiede nyt: Valtaosa linnuista muuttaa öisin (suomenluonto.fi)
Kove: Atte Oksanen