Sämitigge tuh­hiittij raami-iävtuttâs ivvijd 2028–2031

Sämitige čuákkim tuhhiittij 24.9.2026 raami-iävtuttâs ivvijd 2028–2031. Raami-iävtuttâsâst iävtuttuvvojeh tuárvi resurseh sämmilij kielân já kulttuurân kyeskee jiešhaldâšem já toos lohtâseijee lahâaasâtlij pargoi olášutmân sehe sämikielâi, ‑kulttuur já ärbivuáválij iäláttâsâi eellim­vuáimálâš­vuođâ naanoodmân.

Raami-iävtuttâsâst lii valdum huámášumán ive 2025 uđâsmittum sämitiggelaahâ, mii vijđedij já tärkkilistij Sämitige pargoid já tiäduttij staatâ ovdâsvástádâs turviđ toi hoittáámân tuárvi resursijd. Ton lasseen tast láá valdum huámášumán Sämmilij tuotâvuotâ- já sovâdâttâmkomissio loppâraapoort toimâ­iävtuttâsah.

Maaŋgah raami-iävtuttâs iävtuttâsâin västideh Sämitige ovdil almostittem haldâttâsohjelmuulmijd ivvijd 2027–2031. Taid ulmijd kuleh ovdâmerkkân Sämmilij tuotâvuotâ- já sovâdâttâmkomissio toimâiävtuttâsâi olášuttem, sämmilij vuoigâdvuođâi nanodem sehe sämikulttuur já puoh ärbivuáválij iäláttâsâi turvim.

Raami-iävtuttâsâst iävtuttuvvoo eereeb iärrás

• pyerediđ sämikielâlij já kulttuurmiäldásij sosiaal- já tiervâsvuotâ­palvâlusâi finnim
• ovdediđ sämikielâi já sämikielâlii máttááttâs, oppâmateriaal­pyevtittem, arâšoddâdem já kielâpiervâl­tooimâ ubâ enâmist
• vuáđudiđ Sämitige olán sämi-iäláttâsruttârááju, moin puáhtá tuárjuđ ärbivuáválijd iäláttâsâid já sämmilij innovaatioid
• rähtiđ čielgiittâs sämmilii puásuituálu jieijâs haldâttuvâst já etitoorjâ­vuáháduvâst
• valmâštâllâđ vuávám sämmilij šoŋŋâdâhnubástusân vuáhádume várás já nanodiđ šoŋŋâdâhpargo
• ovdediđ sämikulttuurân čyeccee kumulatiivlij vaikuttâsâi árvuštâllâm eennâmkevttim já luánduriggodâh­haavâi ooleest
• nanodiđ EU‑vaiguttem já vuáđudiđ sämiaasij eromâš­äššitobdee tooimâ Suomâ EU‑ovdâstusân Brysselân
• pajediđ säämi kulttuur­meriruuđâ.

Raami-iävtuttâs hämmee Sämitige uáinu tain resursijn, moh tarbâšuvvojeh sämmilij kielân já kulttuurân kyeskee jiešhaldâšem olášutmân sehe sämitiggelaavâ miäldásij pargoi hoittáámân iivij 2028–2031. Tárguttâs lii, et raami-iävtuttâsâst oovdânpuohtum meriruttâ- já ovdedemtáárbuh váldojeh huámášumán staatâ almos ekonomia vuávám sehe puáttee iivij budjetij valmâštâlmist.

Käldee:
– Sämitigge tuhhiittij raami-iävtuttâs ivvijd 2028–2031 (samediggi.fi)

_{Kove: Sämitigge / Ville Fofonoff}