Oulu ollâopâttuv Giellagas-instituut, Oulu kaavpugkirjerááju, Giellagas uáppeeservi GieKu ry já Oulu Sámit rs uárnejeh njuhčâmáánu 11. peeivi anarâškielâ kirjálâšvuođâ eehid tijme 18–19.45. Eehid uárnejuvvoo Oulu kuávdáškirjerááju Saari Laituri-tábáhtussaajeest.
Tilálâšvuođâst muštâluvvoo anarâškielâlii kirjálâšvuođâst já lohhojeh tiivtah. Kirječälleeh muštâleh jieijâs čäällim kiirjijn. Lohhee piäsá meid jieš uápásmuđ kirjijd.
Tábáhtus lii áávus puohháid.
Taan ive uárnejuvvojeh meid tavesämikielâ kirjálâšvuođâ eehid vyesimáánu 6. peeivi já nuorttâlâškielâ kirjálâšvuođâ eehid skammâmáánu 25. peeivi.
Käldee:
– Saamenkielisen kirjallisuuden illat (tapahtumat.munoulu.fi)
Kove: Valtteri Valkeapolku