Áimutiettuu lágádâs statistiik mield roovvâdmáánu lâi lieggâsub ko táválávt ubâ Suomâst. Laapist moonnâm máánu lâi joba härvinâš liegâs. Meid vuosâmuotâ poođij paijeel kyehti oho maŋeláá ko koskâmiärálávt.
Moonnâm roovvâdmáánu koskâmiärálâš liegâsvuotâ ubâ Suomâst lâi 1−3,5 °C aaleeb ko iivij 1991‒2020. Máánu alemus liegâsvuotâ, 15,7 °C, mittedui roovvâdmáánu 6. peeivi Kemiönsaarist. Vyelemus liegâsvuotâ, ‒13,4 °C, vist mittedui roovvâdmáánu 21. peeivi Muonio Oustajärvist já Iänuduv kirdemšiljo mittedemsaajeest.
Taan täälvi vuossâmuš muotâ poođij vuálus Kilbisjäävri markkânist roovvâdmáánu 16. peeivi. Taat meerhâš tom, ete vuosâmuotâ mittedui paijeel kyehti oho maŋeláá ko táválávt. Roovvâdmáánu loopâbeln lâi enâmist ucánjáhháá muotâ Koskâ‑ já Tave-Laapist. Máánu loopâst vist muotâ kavnui innig motomij soojij Tave-Laapist. Muotâ lâi-uv Laapist ucceeb ko táválávt tien ääigi. Stuárráámus muotâmeeri, 17 senttid, mittedui Kilbisjäävri markkânist roovvâdmáánu 24. peeivi.
Piäiváš paaštij iänááš uásist Suomâ váhá ucceeb ko táválávt roovvâdmáánust.
Käldee:
– Lokakuu oli koko maassa tavanomaista lämpimämpi (www.ilmatieteenlaitos.fi)
Kove: Jasmina Schreck