Puáđáččih-uv tun iššeen Anarâškielâ siärván? Servi ocá jeessânvästideijee já smavvâ pargoi pargee. Eres pargoid kuleh smavvâ orniistâlmeh seervi táálust, kirjij vyebdim já postâdem, lostâi vuolgâttem já päikkisijđoi peividem. Pargoäigi lii nelji tiijme ohhoost. Taat pargo suápá tagarân, kote áásá Anarist. Taat suápá pyereest ovdâmerkkân uáppei, kote haalijd tiänáđ laseruuđâ, teikâ taggaar ulmui, kote haalijd leđe mudoi fáárust iäláskitmin kielâ.
Pargoäigi lii uáli jo njyebžil. Pargoh láá eenâb lostâi já kirjij almostittem ohtâvuođâst já jeessânmávsui vuolgâttem ääigi, mut láá meid rávhálub ääigih.
Servi máksá pargoost 200 eurod mánuppaajeest.
Koijâd peri, jis tarbâšah lasetiäđuid já jis lah perustum pargoost. Ohtâvuotâtiäđuh: callee@anaraskielaservi.fi.
Kove: Tumisu (Pixabay)