Argentiina president Javier Milei almottij kuovâmáánu 5. peeivi, ete Argentiina áigu kyeđđiđ Maailm tiervâsvuotâornijdume (WHO). Almottâs poođij kyehti oho ton maŋa ko Ovtâstum staatâi president Donald Trump vuáláčaalij miärádâs kyeđđiđ WHO.
Argentiina miärádâs suijân láá ”kieŋâlis sierâmielâlâšvuođah tiervâsvuođâhuolâttâs haaldâšmist, eromâšávt koronapandemia ääigi”, muštâlij tieđetteijee Manuel Adorni. Sun lasettij, et argentinaliih iä tipte aalmugijkoskâsii ornijdume siähániđ jieijâs suvereniteetân ige eissigin sii tiervâsvuotân.
Páihálii Nacion-aavis mield Argentina lii máhđulávt iärránmin eres-uv aalmugijkoskâsijn sopâmušâin já ornijduumijn, ovdâmerkkân ive 2015 Pariisi šoŋŋâdâhsopâmušâst.
Käldeeh:
– Argentiina seuraa Trumpin jalanjälkiä: jättää Maailman terveysjärjestön (www.hs.fi)
– Argentiina eroaa Maailman terveysjärjestö WHO:sta (yle.fi)
Kove: Vox España (Wikimedia Commons)