Piäluštiččii-uv Notre-Dame kirho siisâpeessâmmáávsuh Pariisist puoh kirhoid Ranskaast?

Tot, kote áigu uápásmuđ taiđui já kulttuurân Pariisist, kárttá forgâ mäksiđ mäđhistis eenâb. Ranska haldâttâh lii áigumin pieijâđ siisâpeessâmmáávsu Notre-Dame kiirkon Pariisist. Taan räi kiirkon lii peessâm nuuvtá. Meiddei Louvre-museo siisâpeessâm tivro motomáid tuuriistjuávhoid. Ranska kulttuur- já ärbisajeminister Dati lii tieđettâm ääšist kieskâd.

Minister Dati čielgee, et Ranska kirhoh já historjáliih monumenteh láá uáli jo hyenes oornigist. Taid ferttee tivvoođ teikâ joba renovistiđ, mut Ranska haldâttâh lii eidu šeštimin korrâsávt.
”Mii ärbisojij paijeentolâmân tarbâšuvvoo ennuv ruttâ”, Dati čielgee. ”Viäruid puáhtá pajediđ, mut tast-uv lii rääji.” Tastko eres ruttâdemmáhđulâšvuođah iä lah, te talle kuállejeijeeh ferttejeh mäksiđ eenâb.

Symboollâš summe siisâpesâmist

Minister Dati lii virgálávt iävtuttâm, et Notre-Dame katedraalân siisâpesâmân ličij symboollâš máksu turistáid. ”Tom ruuđâ puáhtá talle kevttiđ oskoldâhlij monumentij piäluštmân. Jis mij peerrâp vittâ euro jyehi kyesist, te taat smavvâ summe puáhtá 75 miljovn eurod siisâ jyehi ive. Toin naalijn Notre-Dame piäluštičij puoh kirhoid Ranskaast.”

Dati haalijd meid pajediđ siisâpeessâmmáávsuid museoid tiätu juávhoid. ”Lii-uv tot olmânáál, et ranskalâš kyessi máksá siämmáá ennuv Louvre-museon siisâpesâmist ko ovdâmerkkân brasilialâš teikâ kiinalâš kyessi?” Sun haalijd, et Euroop Union ulguupiälásiih kyesih mávsáččii eenâb museost kolliistâlmist. Sun haalijd uđđâ njuolgâdusâid vuáimán jo uđđivemáánu aalgâ rääjist.

Siisâpeessâmmáávsust láá maaŋgah uáivileh. Máávsui kyeditteijeeh eteh, et eres-uv pegâlmâs kirhoh peerih siisâpeessâmmáávsu kiirkon puátimist. Ovdâmerkkân Barcelona Sagrada Familia siisâpeessâmmáksu lii 26 eurod per kyessi, já Lontoost leijee Westminster Abbey uksâ lekkâs 30 pundáin. Pastor Olivier Scache pelestis čielgee, et kulttuur já osko kalgeh leđe puohháid nuuvtá finniimist.

Notre-Dame kirkko lekkâs oppeet juovlâmáánust kuossijd. Tot lii lamaš kiddâ ive 2019 pyellim rääjist.

Käldee:

– Toeristen laten betalen voor Notre-Dame? ’Kan alle Franse kerken redden’ (nos.nl)

Kove: ian kelsall (Pixabay)

Kommenteh

Čääli komment

Kirjoita kommenttisi!
Kirjoita nimesi tähän

Luuvâ meid

Uđđâsumos uđđâseh

Meccihaldâttâs rávhuidut juhârapu koskâpuddâsávt staatâ čäcikuávluin

Meccihaldâttâs ij vyebdi innig rapupivdoluuvijd staatâ čäcikuávloid, kost tiättojeh juhârapuh. Suijân lii tot, ete juhârapunäälih láá kiäppánâm korrâsávt 2000-lovvoost. Juhârapu lii Suomâ algâalgâlâš šlaajâ,...

Ovdâskodde lii tuhhiittâm sämitiggelaavâ

Kesimáánu 19. peeivi ovdâskodde jienâstij sämitiggelaavâ uđâsmitmist. Lahâiävtuttâs tuhhiittui jienâiguin 150–27. Ohtsis 22 olmožid lijjii meddâl. – Taat lii historjálâš peivi sämmiláid. Kuhes pijne lii...

Florida Panthers lii vuáittám NHL Stanley Cup

Jieŋâskiärrujuávkku Florida Panthers lii vuáittám Edmonton Oilers ive 2025 Stanley Cup -finalist 4–2. Kuuđâd spellâ spellui Sunrise kaavpugist Floridast koskokkoiiđeed Suomâ ääigi. Tot nuuvâi...

Sämitiggelaavâ kieđâvuššâm juátkoo ovdâskoddeest tuorâstuv 19.6.

Kesimáánu 17. peeivi ovdâskodde algâttij sämitiggelahâiävtuttâs nube kieđâvuššâm. Kieđâvušmist tohhui iävtuttâs lahâiävtuttâs hilgomist, já tondiet kieđâvuššâm juátkoo kesimáánu 19. peeivi tievâsčuákkimist, mii álgá tijme...

Torkel Rasmussen lii väljejum sämikielâ kielâsosiologia professorin

Torkel Rasmussen lii väljejum sämikielâ kielâsosiologia professorin Säämi ollâškoovlân Kuovdâkiäinun. Tääl sun parga vala säämi máttáátteijeeškovlim já algâaalmugij journalistiik uásáduvvâst Säämi ollâškoovlâst. Sun totká...