Taan räi Helsigist tavesämikielâlâš máttááttâs lii lamaš fáállun vyelitääsi uáppeid Pasila vuáđuškoovlâst, mut tääl pajetääsist-uv uáppein lii máhđulâšvuotâ finniđ tom.
Kuttâ sämikielâlii uáppee algâttii jieijâs škovlâpálgá Helsigist ive 2018, kuás Pasila vuáđuškoovlân vuáđudui kyevtkielâlâš luokka (tavesämikielâ já suomâkielâ). Taan čoovčâ täin kyevtis algâttává čiččâd luoka pajetääsist. Suoi juátkiv tavesämikielâ luuhâm kurssâhäämist.
”Mätki vyelitääsist pajetáásán lii lamaš uáli jo mielâkiddiivâš”, muštâl Pasila vuáđuškoovlâ virgeišerehtor Anna Murtomaa Yle sahhiittâlmist. ”Mij lep oppâm, et máttááttâs ij pyevti leđe tuše luokkaast. Tavesämikielâlâš máttááttâs váátá ennuv reeisuid já kolliistâlmijd.”
Murtomaa mielâst vaanhimij já škoovlâ koskâsâš ohtsâšpargo lii hirmâd tehálâš – eromâšávt talle ko saahâ lii tavesämikielâ máttááttâs orniimist já luuhâmoornig vuáváámist.
Pasila vuáđuškoovlâst máttááttâskiellân lii suomâkielâ. Suomâkielâlii škoovlâst kurssâhámásâš máttááttâs lii puoh älkkeemus vyehi máttááttiđ tavesämikielâ. Suijân toos lii tot, et lii älkkeb keččâđ, mon kuursân tavesämikielâlâš máttááttâs sovâččij pyerebeht sehe siskáldâs já kielâ tááhust.
Pajetääsist tavesämikielâlâš máttááttâs lii ucemustáá 25 % puoh oppâmtiijmijn. Vyelitääsist tot lii 50 %. Veikkâ tavesämikielâlii máttááttâs meeri kiäppán čuuvtij talle ko uáppee sirdâšuvá vyelitääsist pajetáásán, Murtomaa mielâst ulmen lii ain-uv tot, et uáppee kielâtááiđuh ovdáneh maaŋgâpiälásávt sehe suomâ- já tavesämikielân.
Käldee:
– Saamenkielinen yläkouluopetus on turvattu Helsingissä – seiskaluokan aloitti kaksi saamenkielistä oppilasta (yle.fi)
Kove: Helsinki City Museum (Wikimedia Commons)