Ko ohtâ penuvvaahâg tábáhtuvá, te riskâ nuubán lii stuárráb, muštâl pivdoelleehovdâ Petri Vartiainen.
Moonnâm ihelove ääigi kuumpij tovâttem penuvvahâgij meeri lii táválávt pissoom 30 já 50 kooskâst. Ive 2020 vahâgeh lijjii vuosmuu keerdi paijeel 50. Čuávuváá ive meeri uccánij spiekâstuvlávt 37:ân, veikkâ kumppinääli lâi-uv stuárumin. Tastmaŋa láá vahâgeh kuittâg oppeet lasanâm, já tijmá toi meeri lâi jo 64. Sajanmáksu ulâttij paijeel 208 000 euron.
Vahâgeh tábáhtuvvii iänááš Nuorttâ-Suomâst. Tave-Kärjilist já Tave-Savost kuábbáást-uv kuumpih tovâttii tijmá 11 vahâgid. Meid Pohjanmaa já Maadâ-Pohjanmaa eennâmkuudijn pennuuh porrojii kumppijd. Suomâ pivdoelleekuávdáá vuávájeijee Mari Tikkunen muštâl, et kuávlulijd iäruid čielgee eromâšávt kuumpi raavâdtile. Maadâviestâr-Suomâst lii noonâ vielgispieiniskoddenääli, mut Nuorttâ-Suomâst kumppi kárttá kištodiđ kuobžáin soorvâin.
Meid pivdokulttuurijn láá kuávluliih iäruh. Nuorttâ-Suomâst meccikuávluh láá vijđáseh, já pivdopennuuh pargeh kukken omâsteijeinis.
Metsästäjä-lostâ rävvee, et penuvvahâgist kalga almottiđ tállán eennâmkuávluiäláttâsvirgeomâhâžân. Piätuellei tovâttem vahâgijd puáhtá tutkâđ Riistavahingot-palvâlusâst.
Käldee:
– Susien koirille aiheuttamien vahinkojen määrä lisääntyi viime vuonna – tiheimmällä susiseudulla vahinkoja sattuu yllättäen vähemmän (yle.fi)
Kove: Marcel Langthim (Pixabay)