Suomâ euroviisuovdâsteijee Käärijä lii ovdánâm finalân majebargâeehid uárnejum Euroviisui semifinalist Liverpoolist. Suomâ fiinaalsaje muštâlui niäljádin. Enâmeh almottuvvojii sätioornigist.
Käärijä kommentist Ylen, et sust lii hiälputtum tobdo, já suu jurduuh maneh siämmást lávvárduv finalân.
Käärijä pittá Cha cha cha lii ohtâ kievrâmuin vyeitteeiävtukkâsâin, já ovdâmerkkân Saksa euroviisuovdâsteijeeh láá ráhtám tast jieijâs heavy-versio, já sij lávluh tom suomâkielân.
Tave-enâmijn lii pyeri ovdâstus Euroviisuin, tastko Suomâ lasseen finalân pessii meid Ruotâ já Taažâ. Ruotâ lii Suomâ Käärijä lasseen ohtâ kievrâmuin vyeitteeiävtukkâsâin taanihásijn kištoin.
Siämmáánáál ko tijmá-uv, meid taan ive Euroviisuh čielgejuvvojeh sehe anarâš- já tavesämikielân.
Käldee:
– Analyysi: Käärijä vankisti asemaansa yleisön suosikkina (yle.fi)
Kove: NikolayF.com (Pixabay)