Párnáid já nuoráid uáivildum čäällimkišto ”Tave luándum” lii joođoost vala pajeláhháá oho. Čalluuh váldojeh vuástá ain tuorâstuv 13.4.2023 räi. Kiišton puáhtá uásálistiđ meiddei anarâškielân.
Ulmen lii čäälliđ uánihis proosateevstâ tâi tiivtâ tast, maid arktisâš luándu meerhâš čällei. ”Maid arktisâš luándu uáivild tuu elimist? Maid tun arvâlah luándu maaŋgânálásâšvuođâst, pirrâs nubástusâin já jieijâd puátteevuođâst tavveen?” máálástâl kištopovdiittâs.
Kištoost láá kulmâ kištotääsi čällee ave mield. Jyehi tääsist palhâšuvvoo ohtâ tihtâ já proosatekstâ luándukirjijn já 50 euro kirjekävppiskeŋkkâkorttáin. Ubâ kišto vyeittee finnee 400 euro ruttâpalhâšume.
Kišto uárnejeh oovtâstpargoost pirâsministeriö já Yle.
Käldee:
– Pohjoinen luontoni -kirjoituskilpailu (ym.fi)
Kove: Luci Goodman (Pixabay)