Vuáđulahâváljukodde ij finnim smiättámušâs sämitiggelaavâst valmâšin toos adelum meriääigist. Ton keežild uđđâ sämitiggelaahâ ij valmâštuu taangin haldâttuv äigipaje. Váljukodde jienâstij jienâigijn 9–7, et smiättámuš ij adeluu ovdâskoodán.
Haldâttâhpiäláduvâin Suomâ ruátálâš aalmugpiäládâh, Suomâ sosialdemokraatlâš piäládâh, Čižetlitto já Ruánáá litto lijjii ton uáivilist, et smiättámuš ličij puáhtám adeluđ ovdâskoodán. Haldâttâhpiäláduvâin Suomâ Kuávdášpiäládâh já oppositiost leijee Vuáđusyemmiliih já Aalmuglâš Kokoomus jienâstii, et smiättámuš ij rahtuu.
Vuáđulahâváljukode saavâjođetteijee Johanna Ojala-Nimelä mield lahâoovdânpyehtim ovdánmân váddásumos äšši lâi tot, et tot ij adelum siisâ oovtâmielâlâžžân. Váljukodde liijká adelij oovtâmielâlii ciälkkámuš tast, et sämitiggelaavâst kalga adeliđ tállân haldâttuv uđđâ oovdânpyehtim puáttee vaaljâpaje aalgâst.
Käldee:
– Saamelaiskäräjälaki kaatui perustuslakivaliokuntaan (www.hs.fi)
Kove: Fabrizio Brecciaroli