Sämitigge nomâttij taan ive nube čuákkimstis, mii tollui cuáŋuimáánu 14. peeivi 2025 káidusohtâvuođâ peht, Laapi pyereestvaijeemkuávlu sämikielâ lävdikoodán vittâ jeessân já sijjân persovnlijd värijesânijd:
- Iiris Kangas, värijeessân Saammâl Morottaja
- Inga Äärelä, värijeessân Marjo Magga
- Aslak Pieski, värijeessân Markku Porsanger
- Anne-Maria Näkkäläjärvi, värijeessân Tuomas Aslak Juuso
- Tinja Semenoff, värijeessân Tauno Ljetoff
Sämitige čuákkim vaaldij huámmášumán noomâtmist sämmilij kielâlijd já kuávlulijd juávhuid sehe Laapi pyereestvaijeemkuávlu táátu mield pyereestvaijeemkuávlu 76 § miäldásii vaaljâtohálâšvuođâ já täsiárvulaavâ 4 a §.
Sämikielâ lävdikode pargon lii:
1) selvâttiđ já árvuštâllâđ tom, maht kuávluváldustiivrâ miärádâsah vaikutteh kielâlij vuoigâdvuođâi keevâtlii olášumán, sehe adeliđ ciälkkámušâid tast;
2) selvâttiđ, árvuštâllâđ já miäruštâllâđ táárbu tagaráid palvâlussáid, maid pyereestvaijeemkuávlu fáálá ucceeblovokielân, sehe čuávvuđ palvâlusâi kvaliteet já tom, mon älkkeht lii uážžuđ taid;
3) iävtuttiđ kuávlustiivrân tagarijd tooimâid, moh pyehtih pyerediđ kielâpalvâlusâid já pargei kielâtááiđu.
Käldee:
– Sämitigge nomâttij jesânijd Laapi pyereestvaijeemkuávlu sämikielâ lävdikoodán valjâpajan 2025-2029 (samediggi.fi)
Kove: Ville-Riiko Fofonoff / Sämediggi