Ucjuv kieldâ já Sämitigge láá iävtuttâm máttááttâsminister Adlercreutzân fastâ ruttâdem sämikielâi káidusmáttááttâsân. Ulmen lii tot, et puátteevuođâst káidusmáttááttâs ličij fáállun aaibâs siämmáánáál ko táválâš máttááttâs lii tääl fáállun sämikuávlust: eenikielâ já kirjálâšvuotâ já ton lasseen kuhes já uánihis vieres kielâ.
Haahâ aalgij čohčuv 2018, já tom lii ruttâdâm máttááttâs- já kulttuurministeriö. Ruttâdem lii kuittâg mieđettum tuše kiđđâluuhâmpaje 2026 räi. Koskoho 27.11. tollum ráđádâlmijn savâstâllui máttááttâsminister Adlercreutzáin sämikielâi káidusmáttááttâs puátteevuođâst.
Haavâ čiččâd luuhâmive káidusmáttááttâsâst láá fáárust paijeel 210 uápped. Haavâ ääigi uáppei meeri lii lasanâm neeljikiärdásâžžân, já áárvu mield tot sáttá pajaniđ joba 300 uáppei.
Káidusmáttááttâsân lii eromâš stuorrâ tárbu, tastko paijeel 70 % Suomâ sämipárnáin já -nuorâin ääsih sämikuávlu ulguubeln.
Käldee:
– Ucjuv kieldâ já Sämitigge ráđádâleh máttááttâsminister Adlercreutzijn sämikielâi káidusmáttááttâs fastâdmist (samediggi.fi)
Kove: Amr (Pixabay)