Meccihaldâttâs tutkâmušâi mield Saimaa Yövesist iälust ain algâalgâlâš rávdunääli. Ovdil oroi, et čuuvtij uhkevuálásâš saimaarávdu ličij suvâttum Saimaa viestârkuávlust já saimaarávdunääli ličij macâttum kuávlun Kuolimost vuálgus leijee saimaaráávdu ištâdmijguin.
Vorâs tutkâmušah kuittâg čujotteh toos, ete algâalgâlâš saimaarávdunääli ij kuássin lamaškin lappum Saimaa Yövesist. Yövesist iälusteijee saimaaráávduin kávnojii tagareh geenihäämih, moh iä lah Kuolimo ráávduin. Saimaaráávdu geeniárbádâh tutkui Meccihaldâttâs Pro saimaannieriä -haavâst.
Meccihaldâttâs kuálástem sierânâsäššitobdee Eetu Karhunen iätá, et tutkâmušâi puátuseh láá uáli jo merhâšitteeh šlaajâ eellimvuáimálâšvuođâ macâttem uáinust. ”Mij tiettip, et geeneetlii maaŋgâhámásâšvuođâ vänivuotâ lii ohtâ äšši, mii räijee uhkevuálásij šlaajâi naalij iällám. Tääl mij uážuim saimaaráávdust puorijd uđđâsijd tien tááhust.”
Puátuseh nannejeh Meccihaldâttâs mield uáinu tast, ete uhkevuálásii šlaajâ lii máhđulâš piäluštiđ páihálij kuálástemraijiittâsâigijn. Saimaarávdu lii rávhuidittum Puumalansalmi vuoluubeln já Kuolimost pirrâ ive.
Käldeeh:
– Hävinneeksi luultu nieriäkanta löytyikin Saimaalla (yle.fi)
– Saimaan Yövedellä elää sittenkin alkuperäinen saimaannieriän kanta (www.metsa.fi)
Kove: OpenStreetMap authors (Wikimedia Commons)