Paijeel 2 000 olmožid láá evakuistum tullâvääri russoomkuávlust Indonesia nuorttiibeln, muštâleh páiháliih virgeomâhááh.
Lewotobi Laki-Laki -tullâvääri lii russoom maŋgii majemui ohoi ääigi. Vuossaargâ russoom levâttij kunnâpoolvâ 1,5 kilomeetter alodâhân tullâvääri čohe paajaabel.
Páihálij virgeomâhái mield evakuistum ulmui meeri paijaan vala, tastko ain eenâb tullâvääri russoom patâreijee ulmuuh viggeh evakuistemsoojijd.
Virgeomâhááh pajedii jo vuossaargâ tullâvääri aaleeb luokan toin naalijn, et tot annoo nube luoka tullâväärrin neelji portháá ciäkkáduvâst. Tullâvääri levâttem kunnâpolvâ páguttij kiddiđ meid aldasii Frans Seda -kirdemkiedi, mii lii nyevt 80 kilomeetter keččin tullâväärist.
Juovlâmáánust 23 olmožid jammii Indonesiast, tastko Merapi-nommâsâš tullâvääri rusoi Sumatrast.
Indonesiast láá nyevt 130 aktiivlâžžâd tullâväärrid.
Käldee:
– Tuhansia evakuoitiin tulivuorenpurkauksen tieltä Indonesiassa (www.is.fi)
Kove: Sadalmelik (Wikimedia Commons)