Tuhátteh ulmuuh láá evakuistum tullâvääri russoom keežild Indonesiast

Paijeel 2 000 olmožid láá evakuistum tullâvääri russoomkuávlust Indonesia nuorttiibeln, muštâleh páiháliih virgeomâhááh.

Lewotobi Laki-Laki -tullâvääri lii russoom maŋgii majemui ohoi ääigi. Vuossaargâ russoom levâttij kunnâpoolvâ 1,5 kilomeetter alodâhân tullâvääri čohe paajaabel.

Páihálij virgeomâhái mield evakuistum ulmui meeri paijaan vala, tastko ain eenâb tullâvääri russoom patâreijee ulmuuh viggeh evakuistemsoojijd.

Virgeomâhááh pajedii jo vuossaargâ tullâvääri aaleeb luokan toin naalijn, et tot annoo nube luoka tullâväärrin neelji portháá ciäkkáduvvâst. Tullâvääri levâttem kunnâpolvâ páguttij kiddiđ meid aldasii Frans Seda -kirdemkiedi, mii lii nyevt 80 kilomeetter keččin tullâväärist.

Juovlâmáánust 23 olmožid jammii Indonesiast, tastko Merapi-tullâvääri rusoi Sumatrast.

Indonesiast láá nyevt 130 aktiivlâš tullâväärrid.

Käldee:

– Tuhansia evakuoitiin tulivuoren­purkauksen tieltä Indonesiassa (www.is.fi)

Kove: Sadalmelik (Wikimedia Commons)

Kommenteh

Čääli komment

Kirjoita kommenttisi!
Kirjoita nimesi tähän

Luuvâ meid

Uđđâsumos uđđâseh

Tanska áigu luoppâđ ”vaanhimtohálâšvuođâ” iskosijn ruánááeennâmlijn perruin

Tanska haldâttâs lii almottâm, ete tot áigu luoppâđ kištâlemvuálásij "vaanhimtohálâšvuođâ" iskosij kevttimist tagarijn Tanskaast ässee ulmuin, kiäin lii ruánááeennâmlâš tuávááš. Taah psykologisiih iskoseh läävejeh...

Argentiina kuáđá Maailm tiervâsvuotâornijdume WHO

Argentiina president Javier Milei almottij kuovâmáánu 5. peeivi, ete Argentiina áigu kyeđđiđ Maailm tiervâsvuotâornijdume WHO. Almottâs poođij kyehti oho ton maŋa ko Ovtâstum staatâi...

Kirjeárvuštâllâm: Ij lah ko vyelgiđ

Ij lah ko vyelgiđ lii nuorâikirje, mon lii čáállám Ann-Helén Laestadius. Tot lii algâalgâlávt čallum ruotâkielân. Uáivipersovn lii 19-ihásâš Johannes. Sun ij tieđe, maid sun...

Säämimuseo Siida puávdee siärvus mieldi valjiđ tiiŋgâid vuáđučáitáldâhân

Säämimuseo Siida puávdee sämisiärvus mieldi valjiđ tiiŋgâid vuáđučáitáldâhân. Museo väljee sämmilâštiiŋgâid Siida vuáđučáitálduv siärvusvitriinân oovtâst siärvusáin. Taan tove uáinusân peesih Tave-Pohjanmaa museo skeŋkkim sämitiiŋgah,...

Yle Sáámán usâškyeteh uđđâ hoovdâ – Maiju Saijets lii ciälkkám jieijâs luovâs pargostis

Yle Sáámán usâškyeteh forgâpalij uđđâ hoovdâ. Yle Säämi tááláš hovdâ Maiju Saijets lii ciälkkám jieijâs luovâs pargostis cuáŋuimáánu rääjist. Sun lii lamaš uáppuluámust vyesimáánu...