Uđđâvuođâijjâ lâi hoppuu Laapi poolisist Ruávinjaargâst já Tuodâr-Laapi kuávlust. Merâ-Laapist ihe mulsâšui iänááš-uv rávhálávt. Poolisân tovâttii kuittâg lasepargoid hettiimeh, pävkittâm postâloováh, išánkoččomeh pááikán, uáivistvyeijeeh já tuárumeh. Pirrâmpeeivi ääigi Laapi poolislágádâs toimâkuávlust finnij ohtsis 35 poolispargod.
Rakettij pääččim tovâttij motomáid háástuid. Taah ulmuuh sáhuttuvvojii, já sii pávkkánâsah tuáháváldojii.
Kiemâst Jungo sávrudâttâmportháin nyevt 12-ihásiih kandiih paččii kyeimis uđđâvuođâpávkkánâsâigijn. Poolis ij fattim kaandâid kiddâ. Poolis ávžoo vaanhimijd toollâđ párnáidis sárnuttâllâm, jis tiättoo, kiäh taah párnááh lijjii. Poolis tuáhávaaldij sii pávkkánâsâid.
Ruávinjaargâst, Suáđekylást já Kittâlist poolis teeivâi maaŋgâid uáivistvyeijeid.
Uáivistulmuuh láá tovâttâm meid raavvâdviäsuin já tánssámsoojijn hemâdâs. Kiemâjäävrist raavvâdviäsu hiivsigist kavnui illáástum almai. Suáđekylást raavvâdviäsust tábáhtui tuárrum, mon ääigi puáris sierâmielâlâšvuođah keežild äššigâš čurmâdij kyeimis. Levi raavvâdviäsust tánssájeijee lâi finnim čuurmâst nierâsis ko lâi huámášittám ätisvuođâst tánssámlättee alne. Avelist raavvâdviäsust äššigâš lâi volliittâm nube äššigâš toin naalijn, et taat lâi koččâm lättei. Ruávinjaargâst vist äššigâš snolâškuođij já volliittij pääihi oolâ puáttám oornigtuállee. Poolis tuálvui volliitteijee puutkán smiettâđ tavoidis.
Käldee:
– Lapin poliisin uusivuosi (https://poliisi.fi/-/lapin-poliisilaitoksen-uusivuosi)
Kove: Lapin poliisilaitos