Anarâškielâ servi lii toimâm 40 ihheed juovlámáánu 5. peeivi. Seervi kuhesáigásâžžân toimân lii lamaš kielâpiervâltoimâ. Ton lasseen servi lii kuástidâm Anarâš-loostâ, nuorâi- já párnáikirjálâšvuođâ, Anarâš-kalender, eellimkerdikirjálâšvuođâ já meid oovtâ náguskirje. Anarâškielâ servi haalijd ain aktivistiđ ulmuid anarâškielâ kevttimist.
Anarâškielâ seervi stivrâ lii 14.9. tollum čuákkimist meridâm orniđ seervi ávujuhle skammâmáánu 24. peeivi, mii lii majebargâ. Juhleh tuállojeh pargo maŋa. Juhlesaje já tärhis äigi almottuvvojeh maŋeláá, mut taam peeivi puáhtá jo väridiđ kalenderân.
Ávujuhlij vuáváámeh algâttuvvojeh tääl. Servi uárnee juhlevuáváámij keežild anarâš eehid čohčâmáánu 22. peeivi tijme 16.30 Sajosist anarâškielâ luokkaast. Anarâškielâ servi tuáivut jesânijdis tiervâpuáttim smiettâđ juhlepeeivi ohjelm já faalâdmijd.
Anarâškielâ seervi stivrâ