Meccihaldâttâs Luándupalvâlusah valdii Čuđejuuvâ hiäŋgušalde meddâl kiävtust tuorâstuv 6.6.2024. Šalde lii hyenes oornigist, ijge tot lah innig torvolâš.
Čuđejuuhâ kolgá Pänituoddâr meccikuávlust suullân kilomeetter keččin Čuđejuuvâmaađijist. Pänituoddâr meccikuávlu lii Urho Kekkosii aalmuglâšmeeci já Lemmee aalmuglâšmeeci kooskâst. Pahajoki Kultala lii šalde aldasijn. Šalde peht peesâi meid Avveeljuuvâ Kultalan, mutâ tääl áinoo tikkádum kiäinu Kultalan lii meddâl kiävtust.
Čuđejuuvâ hiäŋgušalde lii 28 meetter kukkosâš. Šalde huksejui 1970-lovvoost, mutâ tot šipšâdui ive 2017.
Meccihaldâttâs lii tutkâmin eidu tääl torvolâšvuođâ pirrâ Suomâ. Hiäŋgušoldij torvolâšvuotâ totkoo puoh aalmuglâšmeecijn já eres meccijotteemkuávluin. Hiäŋgušaldeh láá ohtsis 32 ubâ Suomâst. Ko tutkâmušah láá valmâšeh, te Meccihaldâttâs puáhtá leđe vises tast, ete puoh hiäŋgušaldeh láá torvoliih.
Meccihaldâttâs almoot, ko šalde lii oppeet kiävtust.
Käldeeh:
– Sotajoen riippusilta Inarissa suljettiin turvallisuuspuutteiden takia (yle.fi)
– Sotajoen riippusilta Hammastunturin erämaa-alueella suljetaan toistaiseksi (www.luontoon.fi)
Kove: Fabrizio Brecciaroli