Euroviisui vuosmuš semifiinaal tollui majebaargâ Malmöst Ruotâst. Kištosaijeen lii Malmö Arena. Taan tove kištoid uásálisteh 37 enâmid.
Suomâ ovdâsteijee Windows95man peesâi finalân, mii uárnejuvvoo lávvárduv. Love čoođâmannee enâmid almottuvvojii sätioornigist, Suomâ kuđâdin. Puoh semifinalist adelum jienah lijjii keččei jienah.
Eres čoođâmoonnâm enâmeh lijjii Serbia (Teya Dora – Ramonda), Portugal (Iolanda – Grito), Slovenia (Raiven – Veronika), Ukraina (Alyona alyona & Jerry Heil – Teresa & Maria), Liettua (Silvester Belt – Luktelk), Kypros (Silia Kapsis – Liar), Kroatia (Baby Lasagna – Rim Tim Tagi Dim), Irland (Bambie Thug – Doomsday Blue) já Luxemburg (TALI – Fighter).
Finalist koččii olgos Puola (LUNA), Island (Hera Björk), Moldova (Natalia Barbu), Azerbaidžan (Ilkin Dovlatov) já Australia (Electric Fields).
Nubbe semifiinaal uárnejuvvoo tuorâstuv.
Virgálâš euroviisupodcast ráhtoo piäiválávt Malmö Arenast, já tast láá fáárust meid artistij sahhiittâlmeh.
Tääl kuálmád tove Yle historjást euroviisuh čielgejuvvojii meid kyevti sämikielân. Tego ovdil-uv anarâškielâ kommentaattorin tooimâi Heli Huovinen já pajekielâ kommentaattorin Aslak Paltto.
Käldee:
– Suomi nappasi jatkopaikan tiistain semifinaalista – tässä jännittävän illan kaikki kohokohdat (yle.fi)
Kove: News Oresund (Wikimedia Commons)