Säämimuseo Siida lii väljejum ive 2024 eurooplâžžân museon. Palhâšume juohhui vyesimáánu 4. peeivi Portugalist Portimãost EMYA (European Museum of the Year Award) -konferensist, mon ornij European Museum Forum. Siidast palhâšume lii vuástávaldum iloin.
– Säämimuseo Siida algâaalmugmuseon lii vuosâsajasávt sämmilij jieijâs várás. Mut mij lep uáli iiloost tast, maht mii jieččân säämi muštâlus kuoskât meiddei ubâ Euroop museosyergi já ulmuid pirrâ maailm, eeđâi museohovdâ Taina Pieski sahâvuárustis.
Siida čáálá tiäđáttâsâstis, et sij tuáivuh, et taat palhâšume adeličij sijjân vuoimijd juátkiđ sämisiärvusân tehálâš repatriaatiopargo. Taan paargon sij tarbâseh ubâ eurooplii museosyergi torjuu, vâi madârvanhimij tiiŋgah mäccih páikkásis Sáámán.
Ive eurooplâš museo -palhâšuumeest kištottâllii ohtsis 50 museod 24 enâmist. Palhâšume lii juohhum jo 47 ihheed.
Käldee:
– Sámemusea Siida lea jagi eurohpalaš musea (yle.fi)
Kove: European Museum Forum/João Matos/CMP