Tanska roonnig Margareeta, 83, luápá ruvnâstis, muštâl eereeb iärrás Reuters. Roonnig almottij ääšist jieijâs uđđâivesaavâst.
Margareeta luápá ruvnâstis uđđâivemáánu 14. peeivi. Sun luovât vääldi jieijâs aalgan, ruuvnâprinssâ Frederikân.
Margareeta lii toimâm Tanska roonnigin ivveest 1972. Uđđâivemáánu 14. peeivi sun lii lamaš vääldist jo 52 ihheed.
Margareeta muštâl, et suu miärádâs ruuvnâst luopâmist šoodâi taan ive suu čielgičuopâdâs maŋa:
– Mun lam meridâm, et tääl lii rievtis äigi. Uđđâivemáánu 14. peeivi 2024 – 52 ihheed rähis iäččán čuávvum maŋa – mun iäránâm Tanska roonnig tooimâst. Mun kuáđám väldičokkámsaje jieččân aalgan, ruuvnâprinssâ Frederikân, Margareta muštâlij.
Tanska njunošminister Mette Frederiksen kijttá tiäđáttâsâstis roonnig taan vaibâhánnáá ročâmijn Tanska pyerrin. Sun ceelhij, et maaŋgah tanskaliih iä lah tubdâmgin oovtâgin eres staatâhoovdâ.
Käldeeh:
– Denmark’s Queen Margrethe II announces surprise abdication on live TV (www.reuters.com)
– Kuningatar Margareeta II luopuu kruunusta, hallitsijaksi nousee hänen poikansa Frederik (www.hs.fi)
Kove: Per Morten Abrahamsen