Jorma Lehtola kirje Wiestejä Wanhasta Inarista: Taka-Lapin lukukirja lii tääl almostum. Kirje pieijui almosin Siidast vyesimáánu 26. peeivi, kuás Jorma viljâ Veli-Pekka Lehtola lâi meiddei fáárust. Veli-Pekka-uv lii tutkâm ennuv sämmilii kulttuur já historjá já lii meid čáállám tain.
Jorma Lehtola lii porgâm eres lasseen Apu-loostâ toimâtteijen, Skabmagovat-elleekovefestivaal taiđâlâžžân hovdân já kirječällen. Sun lâi ovdil jo čáállám muáddi kirje, mutâ taat lii vuossâmuš vijđes kirje, mii kieđâvuš páihálii historjá.
Kiirján láá nurrum puoh Aanaar kieldâ lostâartikkâleh 1800-lovo pelimuddoost ain 1940-lovo räi. Ađai kirjeest láá eenâb tallai ulmui mainâseh ko totkei čalluuh. Kirjeest láá mainâseh ovdâmerkkân Avveeljuuvâ kolleucâmist, virgealmai tohâmušâin, espanjataavdâst, maađhâšmist já Laapi suáđi tábáhtusâin. Kirjeest láá ennuv koveh já meiddei luvâttâllâm, mast puáhtá uuccâđ ulmuid sii noomâ vuáđuld.
Kirje puáhtá uástiđ jo maaŋgâ saajeest, tego Siidast.
Käldeeh:
– Wiestejä Wanhasta Inarista -kirjan julkistamistilaisuus (www.tapahtumienlappi.fi)
– Lehtola vieljažat čálliba meastaba gilvvu girjjiid sámiid ja báikkálaš historjjás – dál soai almmustahtiiga girjjiideaska oktanaga (yle.fi)
Kove: Dariusz Sankowski (Pixabay)