Pasepeivi lâi majemuš kištopeivi Juvduuvääri čuoigâmkuávdáást Anarist. Ohjelmist lijjii nisonij 30 km čuoigâmkišto tme 9.45 já almai 50 km čuoigâmkišto tme 12.45. Kerttu Niskanen já Iivo Niskanen vuoittijn oppeet kollemiitaal. Vástuppeeivi Kerttu lâi vuáittám nisonij 5 km čuoigâmkišto já Iivo lâi vuáittám almai 10 km čuoigâmkišto.
Nisonij kištoost lijjii fáárust ohtsis 73 čyeiged, mut moolân pessii 68 čyeiged. Ton lasseen 17 čyeiged lijjii almottâttâm kiišton, mut sij kiäsádâttii ovdil ko kišto aalgij. Kerttu Niskanen vuoitij kišto aigijn 1:22:15.5. Eveliina Piippo vuoitij silbâmiitaal aigijn 1:22:40.5, já Krista Pärmäkoski vuotij pronssimiitaal aigijn 1:23:11.8.
Almai kiišton lijjii almottâttâm ohtsis 185 čyeiged, mut 22 čyeiged kiäsádâttii ovdil vuolguu já kuttâ čyeigee luovâttii kišto ääigi. Ađai moolân pessii ohtsis 157 čyeiged. Iivo Niskanen šoodâi Suomâ miäštárin, ko sun vuoitij kišto aigijn 2:07:38.7. Remi Lindholm vuoitij silbâmiitaal aigijn 2:08:43.3, já Markus Vuorela poođij kuálmádin aigijn 2:09:09.9.
Pasepeeivi kištoid uásálistii meiddei aanaarlii Inarin Yritys 1 -juávhu čyeigeeh. Nisonij 30 km čuoigâmkištoost lâi fáárust Tiina Idström, kote poođij viđâlovádin aigijn 1:42:48.8. Almai 50 km čuoigâmkištoost Inarin Yritys 1 -juávhu čyeiged lijjii ohtsis kuuđâs:
– Eelis Valikainen aigijn 2:20:58.5 (32. saje)
– Juho Friman aigijn 2:21:59.6 (36. saje)
– Markus Hietanen aigijn 2:27:34.2 (72. saje)
– Niila Ahokas aigijn 2:29:49.7 (83. saje)
– Elias Valikainen aigijn 2:37:56.0 (125. saje)
– Reima Idström ij peessâm moolâ räi.
Käldeeh:
– Naiset 30 km (www.smhiihdot.com)
– Miehet 50 km (www.smhiihdot.com)
Kove: Fabrizio Brecciaroli