Anarâškielâ servi almoot uuccâmnáál kyehti kesitoimâtteijee saje. Pargon lii uđđâsij já eres čallui čäällim Anarâš aavisân. Uđđâseh kieđâvušeh puohlágánijd teemaid. Aavis uđđâseh juáhhojeh tagaráid kategoriaid ko Aalmugijkoskâsiih uđđâseh, Ekonomia, Kielâ, Kulttuur, Páiháliih uđđâseh, Politiik, Suomâ, Tieđâ, Ulmuuh já Valastâllâm. Uđđâsij čäällim lasseen pargokován kuleh meiddei sahhiittâlmeh sehe ohtâ čaalâ Aanaar argâ -blogin teikâ Luándublogin.
Tun puávtáh iävtuttiđ, kuás halijdiččih porgâđ kesi-syeinimáánust. Pargoäigi lii 100 tijmed. Pälkki lii 1 400 €. Tehálumos äšši lii, et tuárvi ennuv uđđâseh šaddeh jyehi ookon.
Jis kesitoimâtteijee pargo kiäsut tuu, te vuolgât jieijâd CV já uđâsteevstâ teikâ mottoom eres teevstâ anarâškielân (250–300 säännid) seervi mediapargei čujottâsân fabrizio.brecciaroli@gmail.com majemustáá 30.4.
Kove: Peter H (Pixabay)