Susanna Kaartisii kođospäiđi peessâm maailmvijđosii Pom Pom Quaterly -loostâ lokkekovveen

Anarâš Susanna Kaartinen lii finnim kođospääiđis Overlay maailmvijđes Pom Pom Quarterly -loostâ lokkekován. Susanna áásá Australiast, kost sun vuáváá kođđeemmaalijd. Maŋgii sun lii finnim pargosis inspiraatio Aanaar luándust. Anarist motomeh tobdeh suu noomâ ovdâmerkkân kiirjij já loostâi tuáijimist.

Pom pom lii uáli tobdos lostâ kođđeemulmui maailmist. Ton maalih annojeh áárvust pirrâ maailm, já lii merhâšittee äšši finniđ jieijâs maali taan loostân, lokkekooveest sárnuhánnáá. Loostâst suu malli lii uáinusist maŋgii. Overlay-pääiđi malli já Pom pom -lostâ almostuveh 16.3.2023. Loostâ puáhtá tiiláđ muuneeld läigikaavpijn (ovdâmerkkân Nurja).

Kovetekstâ: Uđđâs čällest Henna Tervaniemist lâi kunnee testâkođđeeđ Overlay-pääiđi. Taan maalist láá tekniikin kevttum om. intarsia já kyevti-ivnásâš patent (briossi). Lase Susanna kođđeemmaalijd kaavnah suu ig-tilist @sanna_and_co.

Käldee:

Le pull « Overlay » de Susanna Kaartinen dans le PomPomMag 44 (blog.dererumnatura.fr)

Kove: Henna Tervaniemi

Kommenteh

Čääli komment

Kirjoita kommenttisi!
Kirjoita nimesi tähän

Luuvâ meid

Uđđâsumos uđđâseh

Etna lii oppeet rusomin – kirdemjotolâh Catania kirdemkiedist koskâlduttum

Nuorttâ-Sisilia tevdui koovjâin majebaargâ, tastko Euroop stuárráámus aktiivlâš tullâvääri Etna rusoi suullân käävci kilomeetterid ollâ kovjâpoolvâ Sisilia oolâ. Kovjâ laavdâi pirrâ Etna kuávlu, meiddei...

NASA vuolgâttij ráp-muusik Venusân, mätki piištij suullân 14 minuttid

Ovtâstum staatâi komovuotâhaldâttâh NASA vuolgâttij ovtâstumstaatâlii ráp-artist Missy Elliott pitá komovuotân. NASA tiäđáttâs mield radioanteneh Kaliforniast vuolgâttii Elliott pitá "The Rain (Supa Dupa Fly)"...

Ovtâstum staatâi tááláš president Joe Biden kiäsádât presidentkištoost

Ovtâstum staatâi 46. president Biden almottij miärádâsâstis aalmugân syeinimáánu 21. peeivi viestâpalvâlus X:st: "Tii presidentin toimâm lii lamaš muu eellim stuárráámus kunnee." Biden čaalij...

Piäluštâsvuoimij hárjuttâs tiävdá Aanaar meecijd suáldáttijguin syeinimáánu 22.–26. peeivi

Suomâ piäluštâsvyeimih uárnejeh jáágárpriikaat kiärgusvuotâohtâduv RYSKE-hárjuttâs Kaamâs já Njiävđám meecijn. Hárjuttâs álgá vuossaargâ, syeinimáánu 22. peeivi, já tot nohá vástuppeeivi, syeinimáánu 26. peeivi. Hárjuttâsân uásálisteh...

Eellim jorgálduvah Ukraina suáđi ovdâlinjáást – suomâruátálâš Ralf Sirén muštâl jieijâs fiäránijn rijjâtátulâš taištâleijen

Ralf Sirén lii pajeláhháá 30-ihásâš ovdedemhovdâ, kote parga uđâsmuvvee energia stuorrâirâttâsâst. Suu eellim lii lamaš eromâš, tastko sun lii soottâm rijjâtátulâžžân Ukraina suáđi ovdâlinjáást...