Täsivääldi president kanslia tieđeet 15.3., et president Sauli Niinistö vuálgá pargokolliistâlmân Tuurkin njuhčâmáánu 16.–17. peeivi 2023. President fáárust maađhâš meid olgominister Pekka Haavisto.
Määđhi aalgâst president Niinistö iälá Tuurkist maadâviestârbeln ton kuávlust, kost kieskâd tábáhtuvvii eennâmtuárgástusah.
Vástuppeeivi president tiäivá Istanbulist Tuurki presidentáin Recep Tayyip Erdoğanáin. Savâstâllâmfáddán láá eennâmtuárgástus maŋa tábáhtuvvee uđđâsisthuksim, geopooliitlâš tile, Suomâ já Tuurki kyevtipiälásiih koskâvuođah sehe Suomâ já Ruotâ Nato-jeessânvuođah.
Turkki sáttá ratifisistiđ Suomâ Nato-jeessânvuođâ majemustáá cuáŋuimáánu pelimuddoost. Ruotâ jeessânvuođâ ratifisistem äigitavlu vuod lii vala epivises.
Käldeeh:
– Niinistö vieraili Turkin maanjäristysalueella, tapaa Erdoğanin huomenna Ankarassa (www.hs.fi)
– Turkey may ratify Finland NATO membership next month, sources say (news.err.ee)
Kove: Marek Studzinski (Pixabay)