Njuhčâmáánu 8. peeivi viättoo almugijkoskâsâš nisonij peivi, mii lii viettum 1900-algâpele rääjist. Ive 1975, mii lâi almugijkoskâsâš nisonij ihe, Ovtâstum aalmugkodeh nonnij peeivi viettim, já taat peivi finnij siämmást noomâ ”Ovtâstum aalmugkudij nisonij vuoigâdvuođâi já almugijkoskâsii ráávhu peivi”. Maaŋgâ enâmist tot lii meid virgálâš juhlepeivi.
Fastâ utken lii šoddâm jo, et almaah kunnijâtteh nisonijpeeivi enijdis, kálguidis, nissoonskipárijdis, pargoskipárijdis já eres aldaaš nisonijd kukáigijn teikâ eres smavvâ lahjijgijn. Motomijn enâmijn taan peeivist lii siämmáá noonâ teikâ joba nanosub saje ko enijpeeivist.
Motomeh käävpih jyehih ruusuid nissoonäššigâssáid nisonijpeeivi kunnen. Maaŋgâ enâmist (el. Italiast) mimosakukáh skeŋkkejuvvojeh nisonáid.
Käldee:
– Kansainvälinen naistenpäivä (www.ykliitto.fi)
Kove: jacqueline macou (Pixabay)