Ruonâseh äštih nuuhâđ Stuorrâ-Britanniast, Vuáládâhenâmijn toh láá tivrom

Stuorrâ-Britanniast tomatteh, paprikah já kuurkah láá vääniht, muštâl uđâstoimâttâh Reuters. Pirâsminister Teherese Coffey mield taat tile pištá vala muáddi oho teikâ máhđulávt mánuppaje-uv. Sun ávžoo uuccâđ muulsâiävtuid väniruonnâsáid já puurrâđ páihálijd ruonnâsijd tego navrâsijd, moh láá valjeeht.

Minister Coffey mield suijân ruonnâsij vänivuotân láá pajanâm energiamáávsuh Britannia já Vuáládâhenâmij šaddoviistijn. Tondiet ruonnâseh iä lah šoddâdum siämmáá ennuv ko táválávt. Ton lasseen Tave-Afrikist já Maadâ-Euroopist lii lamaš hyeneeb šaddopaje. Stuorrâ purrâmušpuovtâdeijeefirmah láá tondiet asâttâm raijiittâsâid väniruonnâsij uástimân.

Minister lasettij, et sun ibbeerd kulâtteijei jurduid: sij láá hárjánâm finniđ tiätu purrâmušâid käävpist ubâ ääigi.

NOS mield meid Vuáládâhenâmijn ruonnâseh láá tivrom čuuvtij: pajanâm kaasuhade já kolmâ šooŋâi keežild šoddâdum ruonâsmereh láá ucebeh ko táválávt. Ovdâmerkkân smavvâ kukkákaalâ sáttá mäksiđ 3,50 euro. Uásturaijiittâsah iä lah, mut sálttáás hadeh stivrejeh uástim: ulmuuh väljejeh talle eres ruonnâsijd, jis tiäturuonâs lii sii mielâst meendu tiivrâs. Meiddei Vuáládâhenâmijn vuárdoo uđđâ šaddopaje.

Käldeeh:

Can’t get tomatoes? Let us eat turnips, UK minister says (www.reuters.com)

Groente steeds duurder: ’Bloemkool van 3,50 is wel schrikken’ (www.nos.nl)

Kove: Lubos Houska (Pixabay)

Kommenteh

Čääli komment

Kirjoita kommenttisi!
Kirjoita nimesi tähän

Luuvâ meid

Uđđâsumos uđđâseh

Etna lii oppeet rusomin – kirdemjotolâh Catania kirdemkiedist koskâlduttum

Nuorttâ-Sisilia tevdui koovjâin majebaargâ, tastko Euroop stuárráámus aktiivlâš tullâvääri Etna rusoi suullân käävci kilomeetterid ollâ kovjâpoolvâ Sisilia oolâ. Kovjâ laavdâi pirrâ Etna kuávlu, meiddei...

NASA vuolgâttij ráp-muusik Venusân, mätki piištij suullân 14 minuttid

Ovtâstum staatâi komovuotâhaldâttâh NASA vuolgâttij ovtâstumstaatâlii ráp-artist Missy Elliott pitá komovuotân. NASA tiäđáttâs mield radioanteneh Kaliforniast vuolgâttii Elliott pitá "The Rain (Supa Dupa Fly)"...

Ovtâstum staatâi tááláš president Joe Biden kiäsádât presidentkištoost

Ovtâstum staatâi 46. president Biden almottij miärádâsâstis aalmugân syeinimáánu 21. peeivi viestâpalvâlus X:st: "Tii presidentin toimâm lii lamaš muu eellim stuárráámus kunnee." Biden čaalij...

Piäluštâsvuoimij hárjuttâs tiävdá Aanaar meecijd suáldáttijguin syeinimáánu 22.–26. peeivi

Suomâ piäluštâsvyeimih uárnejeh jáágárpriikaat kiärgusvuotâohtâduv RYSKE-hárjuttâs Kaamâs já Njiävđám meecijn. Hárjuttâs álgá vuossaargâ, syeinimáánu 22. peeivi, já tot nohá vástuppeeivi, syeinimáánu 26. peeivi. Hárjuttâsân uásálisteh...

Eellim jorgálduvah Ukraina suáđi ovdâlinjáást – suomâruátálâš Ralf Sirén muštâl jieijâs fiäránijn rijjâtátulâš taištâleijen

Ralf Sirén lii pajeláhháá 30-ihásâš ovdedemhovdâ, kote parga uđâsmuvvee energia stuorrâirâttâsâst. Suu eellim lii lamaš eromâš, tastko sun lii soottâm rijjâtátulâžžân Ukraina suáđi ovdâlinjáást...