Anarâškielâ servi uárnee njuhčâmáánust Wikipedia-páájá Oulust. Juurdân lii čäälliđ, tivvoođ já tievâsmittiđ Wikipedia-artikkâlijd, savâstâllâđ Wikipedia-pargoost já siärvustâllâđ anarâškielân. Páájá stivriv Anarâškielâ seervi mediapargee Valtteri Valkeapolku já anarâškielâ ollâopâttâhlehtor Marja-Liisa Olthuis.
Pargopáájá siskeeld kyehti peeivi spiekâstâhlávt sierâ soojijn:
- 12.3. tme 15–19, Oulu ollâopâttuv Linnanmaa kampus HUM102‑visteest
- 13.3. tme 15–19, Oulu kuávdáškirjerááju Saari Suisto‑visteest (3. kerdi).
Kuohtui peeivij pááján puáhtá uásálistiđ meid káidusin Zoom peht. Tast ferttee kuittâg almottiđ muuneeld.
Pargopáájá lii áávus puohháid, já toos puáhtá uásálistiđ jieijâs asto já vaijeem mield meid uánihub ääigi. Tiervâpuáttim fáárun!
Čuolmâtiilijn já káidusuásálistem várás vääldi ohtâvuođâ Anarâškielâ seervi mediapargei (valtteri.valkeapolku@tutanota.com).
Kove: Valtteri Valkeapolku