Laapi pyereestvaijeemkuávlu uárnee čohčâmáánust nelji teivâdem puohháid Suomâst ässee huolâtteijeid, kiäid kyeskih sämikielâlii párnáá šoddâm, ovdánem teikâ kielâ‑ já identiteetkoččâmušah. Meid vyerdee vaanhimeh sehe perruuh, kiäi argâkiellân ij lah sämikielâ, láá tiervâpuáttám. Teivâdmijn puáhtá sárnuđ pajekielâ já suomâkielâ.
Káidusjuávkku fáálá huolâtteijeid äššitobdeetiäđuid, keevâtlijd oonâid aargân sehe viärdásâštorjuu já ávus savâstâllâm. Ulmen lii nonniđ párnáá koskâvuođâ jieijâs kielân já kulttuurân sehe adeliđ torjuu šoddâmân já ovdánmân. Äššitobden fáárust lává sämikielâlâš sárnumterapeut Teija Kaartokallio já sämipeerâstivrejeijee Heta Inkinen.
Teivâdmeh uárnejuvvojeh káidusin Teams-ohjelm peht ain tijme 17.30–18.30 čuávuvái peeivij já fádáiguin:
– ko 3.9. párnáá kulttuuridentiteet tuárjum (Heta Inkinen)
– ko 10.9. vyeliškovlâlii jieštoimâm tuárjum (Heta Inkinen)
– ko 17.9. párnáá táválâš kielâovdánem maaŋgâkielâlii pirrâsist (Teija Kaartokallio)
– tu 25.9. sämikielâlii párnáá kielâovdánem tuárjum já perruu kielâvaljiimeh (Teija Kaartokallio).
Teivâdmeh láá nuuvtá, mutâ toid kalga kuittâg almottâttâđ. Almottâttâm lii áávus porgemáánu 25. peeivi räi. Almottâttâmluámáttâh kávnoo taan liiŋkâ já taan QR-koodi peht. Uásálistiđ puáhtá jo-uv puoh teivâdmáid tâi valjiđ olssis hiäivulumosijd fáádáid. Liŋkkâ teivâdmân vuolgâttuvvoo majemustáá kyehti peeivi ovdil teivâdem.
Lasetiäđuid teivâdmijn uážžu sämikielâlij digipalvâlusâi ovdedem sundáttellest Iiris Johansen-Suopajärvist (+358 40 485 5876; iiris.johansen-suopajarvi@lapha.fi). Haahâ lii uáinusist sosiaallii media palvâlusâin Instagramist (@lapha_saame) já Facebookist (Lapin Hyvinvointialueen saamenkieliset ja -kulttuurinmukaiset palvelut).
Laapi pyereestvaijeemkuávlu – Sämikielâlij digipalvâlusâi ovdedem -haahâ
Kove: StockSnap (Pixabay)