Anarâškielâ servi ocá mediapargee (100 %). Pargo álgá porgemáánu 1. peeivi 2025 já pištá oovtâ ive. Pargo juátkoo máhđulávt porgemáánu loopâ räi 2028. Keččâlâddâmäigi lii kuttâ mánuppaje.
Tehelumosin pargon šadda anneeđ huolâ anarâškielâlii lostâtooimâst (Anarâš aavis, Anarâš-lostâ, Anarâš-kalender já táárbu mield meid Loostâš). Eres pargoh láá ovdâmerkkân lostâpargoi koordinistem, jieškote-uvlágánij teevstâi kommentistem já tivvoom, Wikipedia-artikkâlij čäällim, ruttâucâmušâin já čielgiittâsâin išedem sehe seervi lostâtoimâbudjet čuávvum.
Vátámâššân lii eromâš pyeri čäällimmáttu já genrei tubdâm. Mediapargee kalga porgâđ jiečânávt já meid iärásijgijn oovtâst.
Jis kiddiistuvvih, te vuolgât ucâmuš Anarâškielâ siärván majemustáá cuáŋuimáánu 17. peeivi tijme 12. Vuolgât ucâmuš čujottâsân fabrizio.brecciaroli@gmail.com. Ucâmušâst kalgeh leđe fáárust CV já siijđo kukkosâš vorâs tekstâčááitus, mon tun lah jieš čáállám ucâmuš várás.
Lasetiäđuid pargosaajeest uážžu mediapargee Fabrizio Brecciarolist. Tun puávtáh sooppâđ suin meid Teams-savâstâllâmääigi.
Kove: Engin Akyurt (Pixabay)